മുംബൈ: ചൊവ്വാഴ്ച ഇന്‍ട്രാഡേ ട്രേഡില്‍ 10 ശതമാനം അപ്പര്‍ സര്‍ക്യൂട്ടിലെത്തിയ ഓഹരിയാണ് ടിപ്‌സ് ഫിലിംസിന്റേത്. കഴിഞ്ഞ എട്ട് ട്രേഡിംഗ് ദിവസങ്ങളില്‍, ഫിലിം പ്രൊഡക്ഷന്‍, ഡിസ്ട്രിബ്യൂഷന്‍ & എക്സിബിഷന്‍ സ്ഥാപനത്തിന്റെ സ്റ്റോക്ക് 108 ശതമാനം സൂം ചെയ്തു. ടിപ്‌സ് ഇന്‍ഡസ്ട്രീസില്‍ നിന്നും വിഭജനം പൂര്‍ത്തിയാക്കി ഒക്ടോബര്‍ 6 നാണ് ടിപ്‌സ് ഫിലിംസ് ഓഹരി ലിസ്റ്റ് ചെയ്യപ്പെട്ടത്.
സംഗീത-ചലച്ചിത്ര ബിസിനസുകള്‍ക്കായി പ്രത്യേകവും കേന്ദ്രീകൃതവുമായ സ്ഥാപനങ്ങള്‍ സൃഷ്ടിക്കുക, ഷെയര്‍ഹോള്‍ഡര്‍മാരുടെ മൂല്യം ഉയര്‍ത്തുക, ആകര്‍ഷകമായ വളര്‍ച്ചാ അവസരങ്ങള്‍ സൃഷ്ടിക്കുക എന്നീ ലക്ഷ്യങ്ങളോടെയാണ് കമ്പനികള്‍ വിഭജിക്കപ്പെട്ടത്.
ഡിജിറ്റല്‍ ഉപഭോഗത്തില്‍ ചൈനയ്ക്ക് ശേഷം രണ്ടാം സ്ഥാനത്താണ് ഇന്ത്യ. 021-ല്‍ വീഡിയോ സബ്സ്‌ക്രിപ്ഷനുകള്‍ 29 ശതമാനം വര്‍ദ്ധിച്ചു. പണമടച്ചുള്ള സബ്സ്‌ക്രിപ്ഷനുകള്‍ 80 ദശലക്ഷം കടന്ന് 5600 കോടി രൂപയുടെ വരുമാനമുണ്ടാക്കി.
മാത്രമല്ല, ഒടിടി കമ്പനികള്‍ ഏകദേശം 300 ബില്യണ്‍ ഡോളര്‍ ചെലവഴിക്കാനിരിക്കയാണ്. ഈ സാഹചര്യത്തില്‍ സിനിമാ നിര്‍മ്മാണ കമ്പനിയായ ടിപ്‌സ് ഫിലിംസ് മികച്ച നേട്ടമുണ്ടാക്കുമെന്ന വിശ്വാസം നിക്ഷേപകര്‍ക്കുണ്ട്. ഈ വിശ്വാസത്തിന്റെ ബലത്തിലാണ് സ്റ്റോക്ക് മികച്ച പ്രകടനം കാഴ്ചവച്ചതെന്ന് റിപ്പോര്‍ട്ടുകള്‍ പറയുന്നു.
