2047 ഓടെ എട്ട് സംസ്ഥാനങ്ങൾ ഒരു ട്രില്യൺ ഡോളർ ജിഡിപിലേക്ക് ഉയരുമെന്ന് ഇന്ത്യാ റേറ്റിങ്സ്വ്യോമയാന മേഖലയിൽ പ്രതിസന്ധി: വിമാന യാത്രാ നിരക്കുകൾ കുതിക്കുന്നുസ്വർണവില ചരിത്രത്തിലാദ്യമായി 53,000 കടന്നുകേരളത്തിന്റെ കടമെടുപ്പ് പരിധിയിൽ 7000 കോടി കേന്ദ്രം കുറച്ചുഇന്ത്യയിലെ കുടുംബങ്ങൾ കടക്കെണിയിലെന്ന് പഠന റിപ്പോർട്ട്

വെരിറ്റാസ് ഇന്ത്യയുടെ ഓഹരികൾ 260.35 കോടി രൂപയ്ക്ക് സ്വാൻ എനർജി സ്വന്തമാക്കും

മുംബൈ: പെട്രോകെമിക്കൽസ്, പെട്രോളിയം ഉൽപ്പന്നങ്ങൾ നിർമ്മിക്കുന്ന കമ്പനിയായ വെരിറ്റാസിന്റെ (ഇന്ത്യ) 75 ശതമാനത്തിലധികം ഓഹരികൾ 260.35 കോടി രൂപയ്ക്ക് ഏറ്റെടുക്കാൻ ഉദ്ദേശിക്കുന്നതായി സ്വാൻ എനർജി ലിമിറ്റഡ് (എസ്ഇഎൽ) അറിയിച്ചു. മുംബൈ ആസ്ഥാനമായുള്ള സ്ഥാപനം വെരിറ്റാസിന്റെ 55 ശതമാനം ഓഹരികൾ 172.52 കോടി രൂപയ്ക്ക് ഇതിനകം സ്വന്തമാക്കിയിട്ടുണ്ട്. ഇതിന് പുറമെയാണ് ഷെയറൊന്നിന് 126 രൂപ വിലയുള്ള ഓഫറിലൂടെ പൊതു ഓഹരി ഉടമകളിൽ നിന്ന് 26 ശതമാനം ഓഹരികൾ കൂടി 87.83 കോടി രൂപയ്ക്ക് ഏറ്റെടുക്കുന്നത്.
ബിസിനസ്സിന്റെ ഭൂമിശാസ്ത്രപരമായ വ്യാപ്തി, ഗ്യാസ്, പെട്രോകെമിക്കൽസ് മേഖലകളിലേക്ക് വൈവിധ്യവത്കരിക്കാനുള്ള തങ്ങളുടെ തന്ത്രം എന്നിവയ്ക്ക് അനുസൃതമായാണ് ഈ ഏറ്റെടുക്കൽ എന്ന് കമ്പനി പറഞ്ഞു. കൂടാതെ, എൽഎൻജി സമുച്ചയത്തിന്റെ രണ്ടാം ഘട്ട വിപുലീകരണത്തിനായി ഗ്യാസ് ഉപയോഗിക്കുന്നതിന് വെരിറ്റാസിന്റെ സെക്ടറൽ കണക്ഷൻ പ്രയോജനപ്പെടുത്താൻ ഈ ഏറ്റെടുക്കൽ തങ്ങളെ സഹായിക്കുമെന്ന് കമ്പനി കൂട്ടിച്ചേർത്തു. വെരിറ്റാസ് ഗ്രൂപ്പിന്റെ ഒരു കമ്പനിയാണ് വെരിറ്റാസ് (ഇന്ത്യ), അന്താരാഷ്ട്ര വ്യാപാരം, വിതരണം, ഇൻഫ്രാസ്ട്രക്ചർ, ലോജിസ്റ്റിക്‌സ്, ഇതര ഇന്ധനം, ഊർജ്ജം എന്നിവയിൽ സാന്നിധ്യമുള്ള വൈവിധ്യമാർന്ന മൾട്ടിനാഷണൽ ബിസിനസ് ഗ്രൂപ്പാണ് വെരിറ്റാസ് ഗ്രൂപ്പ്.

X
Top