ന്യൂഡല്‍ഹി: പ്രമുഖ സാമ്പത്തിക വിദഗ്ധനും പ്രധാനമന്ത്രി നരേന്ദ്ര മോദിയുടെ സാമ്ബത്തിക ഉപദേശക സമതി ചെയർമാനുമായ ബിബേക് ദെബ്രോയ് (69) അന്തരിച്ചു.
പദ്മശ്രീ അവാർഡ് ജേതാവ് കൂടിയാണദ്ദേഹം.
രാജ്യത്തിന്റെ സാമ്പത്തിക നയങ്ങള്‍ രൂപപ്പെടുത്തുന്നതില്‍ നിർണായക പങ്കുവഹിച്ചിട്ടുള്ള ബിബേക് ദെബ്രോയ് എഴുത്തുകാരനും കൂടിയാണ്.
മഹാഭാരതവും ഭഗവദ് ഗീതയും ഉള്‍പ്പെടെയുള്ള ക്ലാസിക്കല്‍ സംസ്കൃത ഗ്രന്ഥങ്ങള്‍ വിവർത്തനം ചെയ്തിട്ടുമുണ്ട് അദ്ദേഹം.
പുണെ ഗോഖലെ ഇൻസ്റ്റിറ്റ്യൂട്ട് ഓഫ് പൊളിറ്റിക്സ് ആൻഡ് ഇക്കണോമിക്സിന്റെ (ജി.ഐ.പി.ഇ.) ചാൻസലർ സ്ഥാനത്ത് നിന്ന് അദ്ദേഹം അടുത്തിടെ രാജിവെച്ചിരുന്നു.
സ്ഥാപനത്തിന്റെ വൈസ് ചാൻസലർ അജിത്റാനഡെയെ ദേബ്രോയ് പിരിച്ചുവിട്ട നടപടി ബോംബെ ഹൈക്കോടതി തടഞ്ഞ പശ്ചാത്തലത്തിലായിരുന്നു രാജി.
