മുംബൈ: ഇന്ത്യന്‍ ബെഞ്ച്മാര്‍ക്ക് സൂചികകള്‍ തിങ്കളാഴ്ച വീണ്ടെടുപ്പ് നടത്തി. സെന്‍സെക്‌സ് 418.81 പോയിന്റ് അഥവാ 0.52 ശതമാനം ഉയര്‍ന്ന് 81018.72 ലെവലിലും നിഫ്റ്റി 161.55 പോയിന്റ് അഥവാ 0.66 ശതമാനം ഉയര്‍ന്ന് 24726.90 ലെവലിലുമാണ് ക്ലോസ് ചെയ്തത്.
ഹീറോ മോട്ടോകോര്‍പ്, ഭാരത് ഇലക്ട്രോണിക്‌സ്,ടാറ്റ സ്റ്റീല്‍, ഐഷര്‍ മോട്ടോഴ്‌സ്, ഹിന്‍ഡാല്‍കോ എന്നീ ഓഹരികള്‍ 4 ശതമാനത്തോളം ഉയര്‍ന്നു. അതേസമയം പവര്‍ഗ്രിഡ് കോര്‍പ്പറേഷന്‍, എച്ച്ഡിഎഫ്‌സി ബാങ്ക്, ഒഎന്‍ജിസി, ഐസിഐസിഐ ബാങ്ക്, അപ്പോളോ ഹോസ്പിറ്റല്‍ എന്നിവ ഇടിവ് നേരിട്ടു.
മൊത്തം 2047 ഓഹരികള്‍ മുന്നേറിയപ്പോള്‍ 1607 ഓഹരികളാണ് തിരിച്ചടി നേരിട്ടത്. 154 ഓഹരി വിലകളില്‍ മാറ്റമില്ല. മേഖലകളെല്ലാം മുന്നേറിയപ്പോള്‍ പൊതുമേഖല ബാങ്ക്, ഫാര്‍മ, റിയാലിറ്റി, ഐടി, ലോഹം, ടെലികോം, മീഡിയ കണ്‍സ്യൂമര്‍ ഡ്യൂറബിള്‍സ്, വാഹനം എന്നിവ 0.5-2.5 ശതമാനം നേട്ടമുണ്ടാക്കി.
ബിഎസ്ഇ മിഡ്ക്യാപ് സൂചിക 1 ശതമാനവും സ്‌മോള്‍ക്യാപ് 0.7 ശതമാനവുമാണുയര്‍ന്നത്.
