മുംബൈ: രണ്ട് ദിവസത്തെ നേട്ടത്തിന് അന്ത്യം കുറിച്ച് ഇന്ത്യന്‍ ബെഞ്ച്മാര്‍ക്ക് സൂചികകള്‍ വ്യാഴാഴ്ച നഷ്ടത്തില്‍ ക്ലോസ് ചെയ്തു. സെന്‍സെക്‌സ് 296.28 പോയിന്റ് അഥവാ 0.36 ശതമാനം ഇടിഞ്ഞ് 81185.58 ലെവലിലും നിഫ്റ്റി 86.70 പോയിന്റ് അഥവാ 0.35 ശതമാനം ഇടിഞ്ഞ് 24768.35 ലെവലിലുമാണ് വ്യാപാരം അവസാനിപ്പിച്ചത്.
1490 ഓഹരികള്‍ മുന്നേറിയപ്പോള്‍ 2365 ഓഹരികള്‍ തിരിച്ചടി നേരിട്ടു. 135 ഓഹരി വിലകളില്‍ മാറ്റമില്ല.
ഹിന്ദുസ്ഥാന്‍ യൂണിലിവര്‍, ജിയോ ഫിനാന്‍ഷ്യല്‍, എറ്റേര്‍ണല്‍, ജെഎസ്ഡബ്ല്യു, ഐടിസി എന്നിവയാണ് നേട്ടമുണ്ടാക്കിയ ഓഹരികള്‍. അതേസമയം അദാനി എന്റര്‍പ്രൈസസ്, ഡോ.റെഡ്ഡീസ് ലാബ്‌സ്, അദാനി പോര്‍ട്ട്‌സ്, ടാറ്റ സ്റ്റീല്‍, സണ്‍ ഫാര്‍മ എന്നിവ കനത്ത ഇടിവ് നേരിട്ടു.
ബിഎസ്ഇ മിഡ്ക്യാപ്, സ്‌മോള്‍ക്യാപ് എന്നിവ 0.7 ശതമാനം വീതമാണ് പൊഴിച്ചത്. മേഖലകളില്‍ എഫ്എംസിജി 1.4 ശതമാനം ഉയര്‍ന്നപ്പോള്‍ ഐടി, ലോഹം, ഓയില്‍ ആന്റ് ഗ്യാസ്, പൊതുമേഖല ബാങ്ക്, ഫാര്‍മ, റിയാലിറ്റി, ടെലികോം എന്നിവ 0.5-1.8 ശതമാനം ഇടിഞ്ഞു.
