ഡൽഹി: 2021 ജൂണിൽ അവസാനിച്ച പാദത്തിലെ 3.49 കോടി രൂപയിൽ നിന്ന് 2022 ജൂണിൽ അവസാനിച്ച പാദത്തിൽ മിഷ്ടാൻ ഫുഡ്‌സിന്റെ അറ്റാദായം 216.05 ശതമാനം ഉയർന്ന് 11.03 കോടി രൂപയായി വർധിച്ചു. അതേപോലെ, 2022 ജൂണിൽ അവസാനിച്ച പാദത്തിൽ കമ്പനിയുടെ വില്പന 118.73 ശതമാനം ഉയർന്ന് 158.27 കോടി രൂപയായി. 2021 ജൂൺ പാദത്തിലെ വിൽപ്പന 72.36 കോടി രൂപയായിരുന്നു. തിങ്കളാഴ്ച മിഷ്ടാൻ ഫുഡ്‌സിന്റെ ഓഹരികൾ 0.33 ശതമാനത്തിന്റെ നേട്ടത്തിൽ 9.15 രൂപയിലാണ് വ്യാപാരം അവസാനിപ്പിച്ചത്.
അരി, ഗോതമ്പ്, മറ്റുള്ളവ എന്നിവയുടെ നിർമ്മാണത്തിലും സംസ്‌കരണത്തിലും വ്യാപാരത്തിലും ഏർപ്പെട്ടിരിക്കുന്ന ഇന്ത്യയിലെ ഒരു കാർഷിക-ഉൽപന്ന കമ്പനിയാണ് മിഷ്ടാൻ ഫുഡ്‌സ് ലിമിറ്റഡ് (എംഎഫ്‌എൽ). കമ്പനിയുടെ പ്രധാന ഉൽപ്പന്നങ്ങളിൽ ഉയർന്ന നിലവാരമുള്ള ബസുമതി അരി ബ്രാൻഡുകൾ, അസംസ്കൃത ബസുമതി അരി, സെല്ല ബസുമതി അരി, ആവി ബസ്മതി അരി എന്നിവ ഉൾപ്പെടുന്നു.
