മാര്‍ച്ച് ജിഎസ്ടി വരുമാനം 1.56 ലക്ഷം കോടി, എക്കാലത്തേയും ഉയര്‍ന്ന രണ്ടാമത്തെ തുകഡിസംബര്‍ പാദത്തില്‍ കേന്ദ്രസര്‍ക്കാര്‍ ബാധ്യത 150.95 ലക്ഷം കോടി രൂപഇന്ത്യ-മലേഷ്യ വ്യാപാരം ഇനി രൂപയില്‍ തീര്‍പ്പാക്കാംപ്രതിരോധ കയറ്റുമതി റെക്കോര്‍ഡ് ഉയരത്തില്‍ – മന്ത്രി രാജ്‌നാഥ് സിംഗ്ഏപ്രില്‍-ഫെബ്രുവരി കാലയളവിലെ ധനകമ്മി 14.54 ലക്ഷം കോടി രൂപ, ബജറ്റ് ലക്ഷ്യത്തിന്റെ 83 ശതമാനം

14 മില്യൺ ഡോളർ സമാഹരിച്ച് ലോജിസ്റ്റിക്സ് മാർക്കറ്റ്പ്ലേസായ വാഹക്

ബെംഗളൂരു: ബെംഗളൂരു ആസ്ഥാനമായുള്ള റോഡ് ട്രാൻസ്‌പോർട്ട് ലോജിസ്റ്റിക് സ്റ്റാർട്ടപ്പായ വാഹക്, നെക്‌സസ് വെഞ്ച്വർ പാർട്‌ണേഴ്‌സ്, ഫണ്ടമെന്റൽ, ഐസീഡ് വെഞ്ചേഴ്‌സ്, ലിയോ ക്യാപിറ്റൽ, ആർടിപി ഗ്ലോബൽ, ടൈറ്റൻ ക്യാപിറ്റൽ എന്നിവയിൽ നിന്ന് 14 മില്യൺ ഡോളർ സമാഹരിച്ചു. പുതിയ ഉപയോക്താക്കൾ, സാങ്കേതികവിദ്യ, മൂല്യവർധിത സേവനങ്ങളായ ഇന്ധന കാർഡുകൾ, ഇൻഷുറൻസ്, ജിപിഎസ്, സ്പെയർ പാർട്‌സുകൾ വാങ്ങൽ എന്നിവയ്ക്കായി ഈ ഫണ്ട് ഉപയോഗിക്കാനാണ് കമ്പനി പദ്ധതിയിടുന്നത്. ട്രക്ക് വിതരണക്കാർക്കായി ഒരു ഇക്കോസിസ്റ്റം സൃഷ്ടിക്കുകയും അവർക്ക് ഡിജിറ്റൽ പരിഹാരമായി മാറുകയും ചെയ്യുക എന്നതാണ് തങ്ങളുടെ ലക്ഷ്യമെന്ന് വാഹക് പറഞ്ഞു.

ട്രക്കർമാരെ കണ്ടെത്തുന്നതിനും അവരുമായി ബന്ധപ്പെടുന്നതിനുമായി ഷിപ്പർമാർക്കും ട്രാൻസ്‌പോർട്ട് എസ്എംഇകൾക്കും സൗജന്യമായി ഉപയോഗിക്കാവുന്ന തുറന്ന വിപണിയാണ് 2019-ൽ കരൺ ഷാഹയും വികാസ് ചന്ദ്രാവത്തും ചേർന്ന് സ്ഥാപിച്ച വാഹക്. ഇന്ത്യയിലുടനീളമുള്ള ചില പ്രധാന റൂട്ടുകളിൽ സാധാരണയായി സമ്പാദിക്കുന്നതിന്റെ ഇരട്ടിയിലധികം സമ്പാദിക്കാൻ ട്രക്ക് ഡ്രൈവർമാരെ തങ്ങൾ സഹായിക്കുന്നതായി കമ്പനി അവകാശപ്പെടുന്നു. ഇന്ത്യൻ ലോജിസ്റ്റിക്സ് മാർക്കറ്റിന്റെ 10% പിടിച്ചെടുക്കാൻ തങ്ങളുടെ സാങ്കേതികവിദ്യയും പ്രവർത്തനങ്ങളും സ്കെയിൽ ചെയ്യാൻ തങ്ങൾ ഉദ്ദേശിക്കുന്നതായി സ്ഥാപനം അറിയിച്ചു. കൂടാതെ, 1.5 ദശലക്ഷം ഉപയോക്താക്കളിൽ നിന്ന് 10 ദശലക്ഷം ഉപയോക്താക്കളിലേക്ക് അടിത്തറ വിപുലീകരിക്കാനും വാഹക് ലക്ഷ്യമിടുന്നു.

X
Top