Alt Image
പൊതുമേഖല ബാങ്ക് സ്വകാര്യവത്ക്കരണത്തിനെതിരെ ആര്‍ബിഐവിന്‍ഡ്ഫാള്‍ ലാഭ നികുതി അവലോകനം: ക്രൂഡ് സെസ് വെട്ടിചുരുക്കി കേന്ദ്രസര്‍ക്കാര്‍, സമ്മിശ്ര പ്രകടനവുമായി ഓഹരികള്‍രാജ്യാന്തര വിപണിയിൽ ക്രൂഡ് വില താഴ്ന്നെങ്കിലും ഇന്ത്യയിൽ ഇന്ധനവില കുറഞ്ഞേക്കില്ലപണപ്പെരുപ്പം എട്ട്‌ മാസത്തിനുള്ളിൽ 5 ശതമാനമാകുംജൂലൈയില്‍ ആഭ്യന്തര വിമാനയാത്ര നടത്തിയത് 97 ലക്ഷത്തിലധികം പേര്‍, ജൂണിനെ അപേക്ഷിച്ച് 7.6% കുറവ്

28 മില്യൺ ഡോളർ സമാഹരിച്ച്‌ ലെൻസ്കാർട്ട്

ബംഗളൂരു: ഐവെയർ റീട്ടെയിലറായ ലെൻസ്‌കാർട്ട് അവെൻഡസ് ഫ്യൂച്ചർ ലീഡേഴ്‌സ് ഫണ്ട് II-ൽ നിന്ന് 219 കോടി (28 മില്യൺ ഡോളർ) സമാഹരിച്ചതായി റെഗുലേറ്ററി ഫയലിംഗുകൾ വ്യക്തമാക്കുന്നു. ആൽഫ വേവ് ഗ്ലോബലിന്റെ നേതൃത്വത്തിലുള്ള 250 ദശലക്ഷം ഡോളറിന്റെ ഫണ്ടിംഗ് റൗണ്ടിന്റെ ഭാഗമായാണ് ഈ സമാഹരണം. ഈ ഫണ്ട് സമാഹരണം പൂർത്തിയാകുന്നതോടെ കമ്പനിയുടെ മൂല്യം ഏകദേശം 5 ബില്യൺ ഡോളറാകുമെന്നാണ് പ്രതീക്ഷിക്കപ്പെടുന്നത്. ഈ ഫണ്ടിംഗ് റൗണ്ടിന്റെ ഭാഗമായി ആൽഫ വേവ് ഗ്ലോബൽ ഏകദേശം 100 മില്യൺ ഡോളർ നിക്ഷേപിച്ചതായി റെഗുലേറ്ററി ഫയലിംഗുകൾ ഉദ്ധരിച്ച് ഒരു ദേശിയ മാധ്യമം റിപ്പോർട്ട് ചെയ്തിരുന്നു.

ഇവർക്ക് പുറമെ, നിലവിലുള്ള നിക്ഷേപകരായ എപിക് ക്യാപിറ്റൽ ലെൻസ്കാർട്ടിലേക്ക് ഏകദേശം 12 മില്യൺ ഡോളർ നിക്ഷേപിച്ചതായും റിപ്പോർട്ടുകളുണ്ട്. അതേസമയം, ടെമാസെക്, ഷ്രോഡർ അഡ്വെക് തുടങ്ങിയ നിലവിലുള്ള നിക്ഷേപകരും ഈ റൗണ്ടിൽ പങ്കെടുക്കുന്നുണ്ട്. ഈ ഫണ്ടിംഗ് റൗണ്ടിലൂടെ സമാഹരിക്കുന്ന തുകയുടെ ഒരു ഭാഗം ലെൻസ്കാർട്ട് അതിന്റെ ഡയറക്ട്-ടു-കൊമേഴ്‌സ് (D2C) റോൾ-അപ്പ് കൊമേഴ്‌സ് വെഞ്ച്വറായ നെസോ ബ്രാൻഡിൽ നിക്ഷേപിക്കും.

പിയുഷ് ബൻസാൽ സ്ഥാപിച്ച ലെൻസ്കാർട്ടിന് നിലവിൽ ഇന്ത്യയിൽ 900-ലധികം സ്റ്റോറുകളുണ്ട്. ഈ വർഷം അവസാനത്തോടെ ഇത് 1,000 ആയി ഉയർത്താൻ കമ്പനി പദ്ധതിയിടുന്നു. കഴിഞ്ഞ വർഷത്തെ ഫണ്ടിംഗ് റൗണ്ടിന് ശേഷം കമ്പനി മിഡിൽ ഈസ്റ്റിലേക്കും തെക്കുകിഴക്കൻ ഏഷ്യയിലേക്കും തങ്ങളുടെ പ്രവർത്തനങ്ങൾ വ്യാപിച്ചിരുന്നു. സോഫ്റ്റ്ബാങ്ക് വിഷൻ ഫണ്ട് II-ൽ നിന്നുള്ള 231 ദശലക്ഷം ഡോളർ ധനസഹായത്തിന് ശേഷം 2020-ൽ ലെൻസ്കാർട്ട് യൂണികോൺ ക്ലബ്ബിൽ പ്രവേശിച്ചിരുന്നു.

X
Top