Alt Image
ജൂലൈയില്‍ ആഭ്യന്തര വിമാനയാത്ര നടത്തിയത് 97 ലക്ഷത്തിലധികം പേര്‍, ജൂണിനെ അപേക്ഷിച്ച് 7.6% കുറവ്റഷ്യയില്‍ നിന്നുള്ള എണ്ണ ഇറക്കുമതി കുറച്ച് ഇന്ത്യഎമര്‍ജന്‍സി ക്രെഡിറ്റ് ലൈന്‍ ഗ്യാരന്റി സ്‌കീം ടൂറിസം മേഖലയിലേയ്ക്ക് വ്യാപിപ്പിക്കാന്‍ തീരുമാനംവായ്പ തിരിച്ചുപിടിത്തം: ഏജന്റുമാരെ നിലക്കു നിര്‍ത്താന്‍ ആര്‍ബിഐഇന്ത്യക്ക് 2031ൽ രണ്ടാമത്തെ വലിയ സാമ്പത്തിക ശക്തിയാകാം: ആർബിഐ ഡെപ്യൂട്ടി ഗവർണർ

ഇന്ത്യന്‍ കോര്‍പറേറ്റ് മേഖലയുടെ വരുമാനം വര്‍ധിക്കുന്നു

ന്യൂഡൽഹി: ഊര്‍ജോല്‍പ്പന്ന ചെലവുകള്‍ കൂടിയതിനിടയിലും മറ്റ് പ്രതിസന്ധികള്‍ നേരിട്ട വേളയിലും ഇന്ത്യന്‍ കോര്‍പറേറ്റ് മേഖല വരുമാനത്തില്‍ മികച്ച വളര്‍ച്ച കൈവരിച്ചു. 2021-22 നാലാം പാദത്തില്‍ വാര്‍ഷിക അടിസ്ഥാനത്തില്‍ 22.7% വര്‍ധനവ് രേഖപ്പെടുത്തി. വര്‍ധിച്ച ഉല്‍പ്പാദന ചെലവുകള്‍ മൂലം പ്രവര്‍ത്തന മാര്‍ജിന്‍ 1.35% കുറവുണ്ടായി. 2022-23ല്‍ രണ്ടാം പകുതിയില്‍ മാര്‍ജിന്‍ വര്‍ധിക്കുമെന്ന് ഐസിആര്‍എ റേറ്റിംഗ്സ് വിലയിരുത്തുന്നു.
2020-22 കാലയളവില്‍ പ്രവര്‍ത്തന ലാഭം 26.6 ശതമാനവും, അറ്റാദായം 34.8 ശതമാനവും വര്‍ധിച്ചു. ചെറുകിട, ഇടത്തരം വ്യവസായങ്ങളുടെ വരുമാനത്തില്‍ 13.4% വളര്‍ച്ചയും, അറ്റാദായത്തില്‍ 63.7% വര്‍ധനവും ഉണ്ടായി.
എയര്‍ലൈന്‍സ്, ഇരുമ്പ്, ഉരുക്ക്, എണ്ണ, പ്രകൃതി വാതകം, നിര്‍മാണം എന്നി വ്യവസായങ്ങളുടെ പ്രകടനം 2021 -22 നാലാം പാദത്തില്‍ മെച്ചപ്പെട്ടു. ഹോട്ടല്‍. എഫ്എംസിജി, റീറ്റെയ്ല്‍ എന്നിവയുടെ വരുമാനത്തില്‍ കുറവുണ്ടായി. ഗ്രാമീണ മേഖലയില്‍ ഡിമാന്‍ഡ് കുറഞ്ഞതാണ് എഫ്എംസിജി വരുമാനം കുറയാന്‍ കാരണം.
പൊതുവില്‍ കഴിഞ്ഞ 6 പാദങ്ങളില്‍ പ്രവര്‍ത്തന മാര്‍ജിനില്‍ ഇടിവ് ഉണ്ടായിട്ടുണ്ട്. അസംസ്‌കൃത വസ്തുക്കളുടെ വില വര്‍ധനവ്, ഊര്‍ജ, ഗതാഗത ചെലവുകള്‍ വര്‍ധിച്ചത്, രൂപയുടെ മൂല്യ ഇടിവ് തുടങ്ങിയ കാരണങ്ങള്‍ കൊണ്ടാണ് മാര്‍ജിന്‍ കുറയാന്‍ കാരണം.
റഷ്യ-യു ക്രയ്ന്‍ യുദ്ധം തുടരുന്നതും പണ പെരുപ്പം വര്‍ധിക്കാന്‍ കാരണമാകും.ലോഹങ്ങള്‍, എണ്ണ, പ്രകൃതി വാതകം, ടൂറിസം, ഓട്ടോമോട്ടീവ്, ഖനനം, സിമെന്റ്റ്, ഉരുക്ക് തുടങ്ങിയ മേഖലകള്‍ കോവിഡ് വ്യാപനം കുറഞ്ഞതോടെ പൂര്‍വ സ്ഥിതി പ്രാപിക്കുന്ന ഘട്ടത്തിലേക്ക് വേഗത്തില്‍ എത്താന്‍ കഴിഞ്ഞു.

X
Top