മുംബൈ: ഹ്യൂണ്ടായി മോട്ടോര്‍ ഇന്ത്യ ഒന്നാംപാദ ഫലങ്ങള്‍ പ്രഖ്യാപിച്ചു. 1369 കോടി രൂപയാണ് കമ്പനി നേടിയ അറ്റാദായം. മുന്‍വര്‍ഷത്തെ അപേക്ഷിച്ച് 8.08 ശതമാനം ഇടിവാണിത്.
ആഭ്യന്തര വിപണിയിലെ മോശം പ്രകടനമാണ് അറ്റാദായത്തില്‍ പ്രതിഫലിച്ചത്. മൊത്തം വരുമാനം 5.3 ശതമാനം കുറഞ്ഞ് 16412.87 രൂപയിലെത്തി. ഇബിറ്റ 6 ശതമാനം കുറഞ്ഞ് 2185.2 കോടി രൂപയായപ്പോള്‍ ഇബിറ്റ മാര്‍ജിന്‍ 20 ബേസിസ് പോയിന്റിടിഞ്ഞ് 13.3 ശതമാനം.
കമ്പനിയുടെ ആഭ്യന്തര വില്‍പന 11.5 ശതമാനം ഇടിഞ്ഞ് 132259 യൂണിറ്റുകളാപ്പോള്‍ കയറ്റുമതി 13 ശതമാനം ഉയര്‍ന്ന് 48140 യൂണിറ്റുകള്‍. മൊത്തം വില്‍പന 6.1 ശതമാനം ഇടിഞ്ഞ് 180399 യൂണിറ്റുകളാണ്.
ക്രെറ്റയാണ് ഏറ്റവും കൂടുതല്‍ വില്‍പന നടത്തിയ എസ് യു വി. ആഭ്യന്തര വിപണിയില്‍ 47622 യൂണിറ്റ് ക്രെറ്റകളാണ് വിറ്റുപോയത്. വെന്യൂവിന്റെ 22311 യൂണിറ്റുകളും എക്‌സറ്ററിന്റെ 17188 യൂണിറ്റുകളും വില്‍പന നടത്തി.
