ടോള്‍ വരുമാനം 2027 ഓടെ 1.40 ലക്ഷം കോടിയാകുമെന്ന് നിതിൻ ഗഡ്കരിപൊതുമേഖല ബാങ്കുകളിലെ ഓഹരി വില്‍പന: ഉപദേഷ്ടാക്കളെ നിയമിക്കാനൊരുങ്ങി കേന്ദ്രസര്‍ക്കാര്‍ഇന്ത്യയുടെ മൊത്തം മൂല്യം 9.82 ലക്ഷം കോടി ഡോളറാകുംനിക്ഷേപ ഉടമ്പടി: ഒരു ഡസന്‍ രാജ്യങ്ങളുമായി ഇന്ത്യ ചര്‍ച്ചയില്‍സാമ്പത്തിക സമത്വത്തില്‍ ഇന്ത്യ മെച്ചപ്പെടുന്നതായി ലോകബാങ്ക് റിപ്പോര്‍ട്ട്

സെപ്റ്റംബറിലെ ജിഎസ്‌ടി വരുമാനം 1.62 ലക്ഷം കോടി രൂപയായി ഉയർന്നു

ന്യൂഡൽഹി: രാജ്യത്തെ മൊത്ത ജിഎസ്‌ടി കളക്ഷൻ സെപ്റ്റംബറിൽ 10 ശതമാനം ഉയർന്ന് 1.62 ലക്ഷം കോടി രൂപയിലെത്തി. നടപ്പ് സാമ്പത്തിക വർഷത്തിൽ ഇത് നാലാം തവണയാണ് ജിഎസ്‌ടി കളക്ഷൻ 1.6 ലക്ഷം കോടി രൂപ കടക്കുന്നത്.

സെപ്റ്റംബറിലെ മൊത്തം ജിഎസ്‌ടി വരുമാനം 1,62,712 കോടി രൂപയാണ്. ഇതിൽ സെൻട്രൽ ജിഎസ്‌ടി 29,818 കോടി രൂപയും സംസ്ഥാന ജിഎസ്‌ടി 37,657 കോടി രൂപയും സംയോജിത ജിഎസ്‌ടി 83,623 കോടി രൂപയും (ചരക്കുകളുടെ ഇറക്കുമതിയിൽ നിന്ന് പിരിച്ചെടുത്ത 41,145 കോടി രൂപ ഉൾപ്പെടെ) സെസ് 11,613 കോടി രൂപയുമാണ് (ഇറക്കുമതിയിൽ നിന്ന് ലഭിച്ച 881 കോടി രൂപയുൾപ്പെടെ).

2023 സെപ്റ്റംബറിലെ വരുമാനം കഴിഞ്ഞ വർഷം ഇതേ മാസത്തെ ജിഎസ്‌ടി വരുമാനമായ 1.47 ലക്ഷം കോടി രൂപയേക്കാൾ 10 ശതമാനം കൂടുതലാണെന്ന് ധനമന്ത്രാലയം പ്രസ്‌താവനയിൽ പറഞ്ഞു.

“ഈ മാസത്തിൽ, ആഭ്യന്തര ഇടപാടുകളിൽ നിന്നുള്ള വരുമാനം (സേവനങ്ങളുടെ ഇറക്കുമതി ഉൾപ്പെടെ) കഴിഞ്ഞ വർഷം ഇതേ മാസത്തിലെ വരുമാനത്തേക്കാൾ 14 ശതമാനം കൂടുതലാണ്.

ഇത് നാലാം തവണയാണ് മൊത്തം ജിഎസ്‌ടി ശേഖരം 1.60 ലക്ഷം കോടി രൂപ കവിയുന്നത്.” അതിൽ പറയുന്നു.

X
Top