Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

യൂലോ 22.5 മില്യൺ ഡോളർ സമാഹരിച്ചു

ഡൽഹി: വളർച്ചാ ഘട്ട നിക്ഷേപ സ്ഥാപനമായ വിന്റർ ക്യാപിറ്റലിന്റെ നേതൃത്വത്തിലുള്ള സീരീസ് എ റൗണ്ട് ഫണ്ടിംഗിൽ 22.5 മില്യൺ ഡോളർ സമാഹരിച്ചതായി അറിയിച്ച് ബി2ബി എഡ്‌ടെക് സ്റ്റാർട്ടപ്പായ യുലോ ടെക്നോളജീസ്.

നിലവിലുള്ള നിക്ഷേപകരായ മോർഫോസിസ് വെഞ്ച്വർ ക്യാപിറ്റൽ, ബ്ലൂം വെഞ്ചേഴ്‌സ് എന്നിവയും ഈ ഫണ്ടിംഗ് റൗണ്ടിൽ പങ്കെടുത്തു. ബെംഗളൂരു ആസ്ഥാനമായുള്ള കമ്പനി മുമ്പ് 2020 നവംബറിൽ ബ്ലൂമിന്റെ നേതൃത്വത്തിൽ 3 മില്യൺ ഡോളറിന്റെ സീഡ് ഫണ്ടിംഗ് സമാഹരിച്ചിരുന്നു.

സ്കൂളുകൾക്കായുള്ള ആശയവിനിമയ പ്ലാറ്റ്ഫോമായ യൂലോ ഒരു പാരന്റ്-ടീച്ചർ കമ്മ്യൂണിക്കേഷൻ സോഫ്റ്റ്വെയറും ഒരു എന്റർപ്രൈസ് റിസോഴ്സ് പ്ലാനിംഗ് (ERP) മാനേജ്മെന്റ് സൊല്യൂഷനും പ്രവർത്തിപ്പിക്കുന്നു. കൂടാതെ ഇതിന്റെ പ്ലാറ്റ്‌ഫോം സ്‌കൂളുകൾക്കും വിദ്യാർത്ഥികൾക്കുമായി ഫിസിക്കൽ ലേണിംഗ് പ്രോഗ്രാമുകൾ വികസിപ്പിക്കാൻ വിദ്യാഭ്യാസ പ്രസാധകരെയും, ഉള്ളടക്ക സ്രഷ്‌ടാക്കളെയും അനുവദിക്കുന്നു.

സ്റ്റാർട്ടപ്പ് ഇതുവരെ ഇന്ത്യയിലുടനീളമുള്ള 8,500 സ്‌കൂളുകളുമായി സഹകരിച്ച് 3.7 ദശലക്ഷത്തിലധികം വിദ്യാർത്ഥികളിലേക്ക് അവരുടെ സേവനം എത്തിച്ചു. വരും മാസങ്ങളിൽ ശാസ്ത്രം, സാങ്കേതികവിദ്യ, എഞ്ചിനീയറിംഗ്, കല, ഗണിതശാസ്ത്രം എന്നിവയിലുടനീളം കൂടുതൽ പ്രോഗ്രാമുകൾ അവതരിപ്പിക്കാൻ യൂലോ പദ്ധതിയിടുന്നു.

X
Top