മുംബൈ: റെസിഡൻഷ്യൽ കെട്ടിടങ്ങളുടെ നിർമ്മാണത്തിനായി ഒന്നിലധികം ഓർഡറുകൾ നേടിയതായി അറിയിച്ച് പ്രമുഖ നിർമ്മാണ കമ്പനിയായ അഹ്‌ലുവാലിയ കോൺട്രാക്ട്സ് (ഇന്ത്യ) ലിമിറ്റഡ്. കമ്പനിക്ക് ലഭിച്ച ആദ്യത്തെ ഓർഡർ മുംബൈയിലെ വസായ് (ഈസ്റ്റ്) സുരക്ഷാ സ്മാർട്ട് സിറ്റിയിൽ (എംഎച്ച്) 12 റെസിഡൻഷ്യൽ ബിൽഡിംഗുകളുടെ നിർമ്മാണത്തിനുള്ളതാണ്, ഈ പദ്ധതിയുടെ ഓർഡർ മൂല്യം 86.00 കോടി രൂപയാണ്. ഇതിന് പുറമെ മുംബൈയിലെ വസായ് (എംഎച്ച്) സുരക്ഷ സ്മാർട്ട് സിറ്റിയിൽ 1 റസിഡൻഷ്യൽ ടവർ കെട്ടിടത്തിന്റെ നിർമ്മാണത്തിനുള്ള 53.33 കോടിയുടെ ഓർഡർ ലഭിച്ചതായും കമ്പനി പ്രസ്താവനയിൽ പറഞ്ഞു.
40 വർഷത്തിലേറെയായി നിർമ്മാണ വ്യവസായത്തിൽ സാന്നിധ്യമുള്ള രാജ്യത്തെ മുൻനിര സിവിൽ കോൺട്രാക്‌ടർമാരിൽ ഒരാളാണ് അലുവാലിയ കോൺട്രാക്ട്സ് (ഇന്ത്യ) ലിമിറ്റഡ്. കമ്പനി നൽകുന്ന നിർമ്മാണ സേവനങ്ങളിൽ ഘടനകളുടെ നിർമ്മാണവും അനുബന്ധ സേവനങ്ങളും ഉൾപ്പെടുന്നു, അതിൽ മനുഷ്യശക്തി, ഉപകരണങ്ങൾ, നിബന്ധനകൾ, പ്ലാനുകൾ, സബ് കോൺട്രാക്ടർമാരുടെ നിയമനം എന്നിവ ഉൾപ്പെടുന്നു. ചൊവ്വാഴ്ച കമ്പനിയുടെ ഓഹരികൾ 4.47 ശതമാനത്തിന്റെ നേട്ടത്തിൽ 453.30 രൂപയിലെത്തി.
