Alt Image
ഇന്ത്യയിൽ നിന്നുള്ള സ്റ്റീൽ ഇറക്കുമതിക്ക് 9.5% അധിക തീരുവയുമായി യൂറോപ്യൻ യൂണിയൻ ◆ ചരിത്രം രചിച്ച് യുപിഐ ഇടപാടുകൾ; ആദ്യമായി 30 ലക്ഷം കോടിയിലേക്ക് ◆ വികസ്വര രാജ്യങ്ങളുടെ വിദേശകടം 9.4 ട്രില്യണ്‍ ഡോളറിലെത്തി ◆ 1.11 ലക്ഷം കോടി ചെലവുള്ള ഇന്ത്യയുടെ രണ്ട് വൻ അന്തർവാഹിനി പദ്ധതികൾക്ക് അന്തിമാനുമതി ഉടൻ ◆ ആഗോള സ്വർണശക്തിയാകാൻ ഇന്ത്യ; പദ്ധതിയുടെ രൂപരേഖ നിതി ആയോഗ് വൈകാതെ അവതരിപ്പിച്ചേക്കും ◆

ഹരിത ഊര്‍ജ്ജ പദ്ധതി: 800 മില്യണ്‍ ഡോളര്‍ കടമെടുക്കാന്‍ അദാനി ഗ്രൂപ്പ്

ന്യൂഡല്‍ഹി: ഹിന്‍ഡന്‍ബര്‍ഗ് ആരോപണങ്ങളെ തുടര്‍ന്നുള്ള പ്രതിസന്ധിയ്ക്ക് ശേഷം അദാനി ഗ്രൂപ്പ് വന്‍ കടമെടുപ്പിന്. ഹരിത ഊര്‍ജ്ജ പദ്ധതികള്‍ക്കായി 800 മില്യണ്‍ ഡോളര്‍ സമാഹാരിക്കാനാണ് ഒരുങ്ങുന്നത്. ഇതിനായി സുമിറ്റോമോ മിറ്റ്‌സുയി ബാങ്കിംഗ് കോര്‍പ്പറേഷന്‍, ഡിബിഎസ് ബാങ്ക് ലിമിറ്റഡ്, മിത്സുബിഷി യുഎഫ്‌ജെ ഫിനാന്‍ഷ്യല്‍ ഗ്രൂപ്പ്, സ്റ്റാന്‍ഡേര്‍ഡ് ചാര്‍ട്ടേഡ് എന്നീ ആഗോള ബാങ്കുകളുമായി ചര്‍ച്ചകള്‍ നടത്തും.

ബാങ്കുകള്‍ വായ്പ നല്‍കുന്ന പക്ഷം അത് ഗ്രൂപ്പിന് നേട്ടമാകും. മാത്രമല്ല, നിക്ഷേപകരുടെ വിശ്വാസം ആര്‍ജ്ജിക്കുന്നതിലൂടെ ഹിന്‍ഡന്‍ബര്‍ഗ് ആരോപണങ്ങള്‍ തെറ്റായിരുന്നു എന്ന് വാദിക്കാം. വന്‍തോതില്‍ കടമുണ്ടെന്ന ആരോപണമായിരുന്നു ഹിന്‍ഡന്‍ബര്‍ഗ് ഉയര്‍ത്തിയതില്‍ പ്രധാനം.

തുടര്‍ന്ന് നിക്ഷേപകരെ ആശ്വസിപ്പിക്കുന്നതിനായി വന്‍ തുകയുടെ വായ്പ തിരിച്ചടയ്‌ക്കേണ്ടതായി വന്നു.നിലവില്‍ ഗ്രൂപ്പിന് വിപണി മൂല്യത്തിന്റെ 100 ബില്യണ്‍ ഡോളറിലധികം നഷ്ടപ്പെട്ടിട്ടുണ്ട്.

അദാനി ഗ്രൂപ്പും ബാങ്കുകളും ഇക്കാര്യത്തില്‍ പ്രതികരണമറിയിച്ചിട്ടില്ല.

X
Top