മുംബൈ: ഡോളറിനെതിരെ 7 പൈസ നഷ്ടത്തില് 85.77 എന്ന നിരക്കില് രൂപ ക്ലോസ് ചെയ്തു. ദുര്ബലമായ ഓഹരി വിപണിയും താരിഫ് പ്രതിസന്ധിയുമാണ് ഇന്ത്യന് കറന്സിയ്ക്ക് വിനയായത്. 85.76 എന്ന നിലയില് വ്യാപാരം തുടങ്ങിയ രൂപ ഒരു ഘട്ടത്തില് 85.91 എന്ന നിലയിലേയ്ക്ക് കൂപ്പുകുത്തി.
പിന്നീട് 7 പൈസ നഷ്ടത്തില് 85.77 നിരക്കില് വ്യാപാരം അവസാനിപ്പിക്കുകയായിരുന്നു. വ്യാഴാഴ്ച 85.70 നിരക്കിലായിരുന്നു ക്ലോസിംഗ്. അന്തര്ദ്ദേശീയ വിപണിയില് ക്രൂഡ് ഓയില് വില ഉയര്ന്നിട്ടുണ്ട്. ബ്രെന്റ് ക്രൂഡ് 0.34 ശതമാനം നേട്ടത്തില് 68.87 ഡോളറിലാണുള്ളത്.
ആറ് കറന്സികള്ക്കെതിരെ ഡോളറിന്റെ ശക്തി അളക്കുന് ഡോളര് സൂചിക 0.13 ശതമാനം ഉയര്ന്ന് 97.77 ലെവലിലെത്തി.
