മുംബൈ: പ്രൈവറ്റ് പ്ലേസ്മെന്റ് അടിസ്ഥാനത്തിൽ ഡെബ്റ് സെക്യൂരിറ്റികൾ ഇഷ്യൂ ചെയ്യുന്നതിലൂടെ 300 കോടി രൂപ വരെ സമാഹരിക്കുമെന്ന് ശ്രീറാം സിറ്റി യൂണിയൻ ഫിനാൻസ് അറിയിച്ചു. 50 കോടി രൂപയ്ക്ക് (അടിസ്ഥാന ഇഷ്യൂ സൈസ്) പ്രിൻസിപ്പൽ പ്രൊട്ടക്റ്റഡ് മാർക്കറ്റ്-ലിങ്ക്ഡ് നോൺ-കൺവേർട്ടിബിൾ ഡിബഞ്ചറുകൾ (പിപി-എംഎൽഡി) ഇഷ്യൂ ചെയ്യാനും, 250 കോടി രൂപ വരെയുള്ള അധിക ഇഷ്യൂ ഓപ്ഷൻ വഴി മൊത്തത്തിൽ 300 കോടി രൂപ സമാഹരിക്കാനും ജൂൺ 14-ന് ചേർന്ന കമ്പനിയുടെ ബാങ്കിംഗ്, സെക്യൂരിറ്റീസ് മാനേജ്മെന്റ് കമ്മിറ്റി യോഗം അംഗീകാരം നൽകിയാതായി കമ്പനി റെഗുലേറ്ററി ഫയലിംഗിൽ അറിയിച്ചു.
ബോണ്ട് ഇഷ്യു ഒന്നോ അതിലധികമോ തവണകളായി പൂർണ്ണമായി പണമടച്ചതോ/ഭാഗികമായോ സ്വകാര്യ പ്ലേസ്മെന്റ് അടിസ്ഥാനത്തിലാണ് നൽകുന്നതെന്ന് കമ്പനി അറിയിച്ചു. റീട്ടെയിൽ, മൈക്രോ സ്മോൾ ആൻഡ് മീഡിയം എന്റർപ്രൈസ് (എംഎസ്എംഇ) വായ്പകളിൽ പ്രത്യേക സേവനങ്ങൾ വാദ്ഗാനം ചെയ്യുന്ന കമ്പനിയാണ് ശ്രീറാം ഗ്രൂപ്പിന്റെ ഭാഗമായ ശ്രീറാം സിറ്റി യൂണിയൻ ഫിനാൻസ്.
