![](https://www.livenewage.com/wp-content/uploads/2022/06/salsar.png)
മുംബൈ: നോമുറ സിംഗപ്പൂർ ലിമിറ്റഡ് ഒഡിഐ, റെസൊണൻസ് ഓപ്പർച്യുണിറ്റീസ് ഫണ്ട് മൗറീഷ്യസ് എന്നീ കമ്പനികൾ സ്ഥാപനത്തിൽ ഓഹരികൾ നിക്ഷേപിച്ചതായി വീരം സെക്യൂരിറ്റീസ് ലിമിറ്റഡ് ബിഎസ്ഇയെ അറിയിച്ചു. നോമുറ സിംഗപ്പൂർ ലിമിറ്റഡ് ഒഡിഐ 1,50,000 ഓഹരികളുടെ നിക്ഷേപം നടത്തിയപ്പോൾ, റെസൊണൻസ് ഓപ്പർച്യുണിറ്റീസ് ഫണ്ട് മൗറീഷ്യസ് 1,03,000 ഓഹരികൾ നിക്ഷേപിച്ചിട്ടുണ്ടെന്ന് വീരം സെക്യൂരിറ്റീസ് ബിഎസ്ഇക്ക് നൽകിയ രേഖകൾ വ്യക്തമാകുന്നു. നിലവിലുള്ള കമ്പനിയെ എൻബിഎഫ്സി ആക്കി മാറ്റുക എന്നതാണ് തങ്ങളുടെ ലക്ഷ്യമെന്ന് വീരം സെക്യൂരിറ്റീസ് പ്രസ്താവനയിൽ പറഞ്ഞു.
ഇക്വിറ്റി ഷെയറുകളുടെ അവകാശ ഇഷ്യു പരിഗണിക്കുന്നതായി കമ്പനി അടുത്തിടെ അറിയിച്ചിരുന്നു. എൻബിഎഫ്സി പദ്ധതിക്ക് പുറമെ റിയൽറ്റി സെഗ്മെന്റിലേക്ക് പ്രവേശിക്കാൻ പദ്ധതിയിട്ടിട്ടുണ്ടെന്നും ഇതിനായി റെസിഡൻഷ്യൽ, കോർപ്പറേറ്റ് റിയൽ എസ്റ്റേറ്റ് പദ്ധതികൾ ഏറ്റെടുക്കുമെന്നും കമ്പനി അറിയിച്ചു. ഈ നിക്ഷേപ വർത്തയോടെ കമ്പനിയുടെ ഓഹരികൾ 4.81 ശതമാനത്തിന്റെ മികച്ച നേട്ടത്തിൽ 23.95 രൂപയിൽ വ്യാപാരം അവസാനിപ്പിച്ചു.