കൊച്ചി: നിസാൻ മാഗ്‌നൈറ്റിൻ്റെ മൊത്തം വിൽപ്പന 1.5 ലക്ഷം എന്ന നാഴികക്കല്ല് പിന്നിട്ടതായി നിസാൻ മോട്ടോർ ഇന്ത്യ പ്രഖ്യാപിച്ചു.
ഓഗസ്റ്റിലെ വില്പനകൂടി പൂർത്തിയായപ്പോഴാണ്, 2020 ഡിസംബറിൽ ലോഞ്ച് ചെയ്ത വാഹനമായ നിസാൻ മാഗ്‌നൈറ്റ് ഈ നേട്ടം കൈവരിച്ചത്.
ഒപ്പം, ഓഗസ്റ്റ് മാസത്തിൽ നിസാൻ 10,624 വാഹനങ്ങളുടെ വില്പനയും സ്വന്തമാക്കി. ഇതിൽ 2,263 വാഹനങ്ങൾ ആഭ്യന്തര വിപണിയിൽ വിറ്റഴിച്ചപ്പോൾ 8,361 വാഹനങ്ങൾ വിദേശ രാജ്യങ്ങളിലേക്ക് കയറ്റുമതി ചെയ്തു.
ഈ സാമ്പത്തിക വർഷത്തെ ഏറ്റവും ഉയർന്ന പ്രതിമാസ വില്പനയാണ് ഓഗസ്റ്റിൽ നിസാൻ കൈവരിച്ചത്.
കഴിഞ്ഞ അഞ്ചു വർഷത്തിലെ ഏറ്റവും ഉയർന്ന പ്രതിമാസ കയറ്റുമതിയും രേഖപ്പെടുത്തി.
ഡീലർമാരോടൊപ്പം നിസാൻ നടത്തിയ സംയുക്ത പരിശ്രമത്തിൻ്റെ ഫലമാണ് ഈ വളർച്ചയെന്ന് നിസാൻ മോട്ടോർ ഇന്ത്യ മാനേജിംഗ് ഡയറക്ടർ സൗരഭ് വത്സ പറഞ്ഞു.
