മുംബൈ: മോത്തിലാൽ ഓസ്വാൾ എസ് & പി ബിഎസ്ഇ ക്വാളിറ്റി ഇ ടി എഫ്, മോത്തിലാൽ ഓസ്വാൾ എസ് & പി ബിഎസ്ഇ ക്വാളിറ്റി ഇൻഡക്സ് ഫണ്ട്, മോത്തിലാൽ ഓസ്വാൾ എസ് & പി ബിഎസ്ഇ എൻഹാൻസ്ഡ് വാല്യു ഇ ടി എഫ്, മോത്തിലാൽ ഓസ്വാൾ എസ് & പി ബിഎസ്ഇ എൻഹാൻസ്ഡ് വാല്യൂ ഇൻഡക്സ് തുടങ്ങിയ ഫാക്ടർ അധിഷ്ഠിത ഫണ്ടുകൾ പുറത്തിറക്കി മോത്തിലാൽ ഓസ്വാൾ അസറ്റ് മാനേജ്മെന്റ് കമ്പനി.
പുതിയ ഫണ്ട് ഓഫർ ജൂലൈ 29-ന് സബ്സ്ക്രിപ്ഷനായി തുറക്കുകയും ഓഗസ്റ്റ് 12-ന് അവസാനിക്കുകയും ചെയ്യും. ഇതിൽ നിക്ഷേപകർക്ക് കുറഞ്ഞത് 500 രൂപയും അതിനുശേഷം 1 രൂപയുടെ ഗുണിതങ്ങളും നിക്ഷേപിക്കാം. തുടർച്ചയായി നിക്ഷേപകർക്ക് ഒരു സാമ്പത്തിക ഉപദേഷ്ടാവ് മുഖേനയോ കമ്പനി വെബ്സൈറ്റ് വഴിയോ സ്കീമിന്റെ യൂണിറ്റുകൾ വാങ്ങുകയോ വീണ്ടെടുക്കുകയോ ചെയ്യാം.
നിക്ഷേപകരുടെ വികസിച്ചുകൊണ്ടിരിക്കുന്ന ആവശ്യങ്ങൾ നിറവേറ്റുക എന്ന ലക്ഷ്യത്തോടെ, ഫാക്ടർ നിക്ഷേപ വിഭാഗത്തിൽ തങ്ങൾ ഇടിഎഫുകളും ഇൻഡെക്സ് ഫണ്ടുകളും അവതരിപ്പിച്ചതായും, ഈ പുതിയ ഫണ്ടുകൾ ഗുണനിലവാരത്തെയും മൂല്യത്തെയും അടിസ്ഥാനമാക്കിയുള്ളതാണെന്നും മോത്തിലാൽ ഓസ്വാൾ അസറ്റ് മാനേജ്മെന്റ് കമ്പനി പ്രസ്താവനയിൽ അറിയിച്ചു.
മോത്തിലാൽ ഓസ്വാൾ എസ്&പി ബിഎസ്ഇ ക്വാളിറ്റി ഇടിഎഫും, ഇൻഡെക്സ് ഫണ്ടും റൂൾ അധിഷ്ഠിത പാരാമീറ്ററുകൾ അടിസ്ഥാനമാക്കിയുള്ള മികച്ച 30 ഗുണനിലവാരമുള്ള സ്റ്റോക്കുകൾ ഉൾപ്പെടുത്താൻ ലക്ഷ്യമിടുന്ന സിംഗിൾ ഫാക്ടർ അടിസ്ഥാനമാക്കിയുള്ള നിക്ഷേപ തന്ത്രങ്ങളാണ് എന്ന് ഫണ്ട് ഹൗസ് അറിയിച്ചു. ഇത് എസ്&പി ബിഎസ്ഇ ലാർജ്മിഡ്ക്യാപ് ഇൻഡക്സിന്റെ പ്രപഞ്ചത്തിൽ നിന്നാണ് സൂചിക ഘടകങ്ങൾ തിരഞ്ഞെടുത്തിരിക്കുന്നത്.
അതേസമയം, മറ്റ് രണ്ട് ഫണ്ടുകളായ മോത്തിലാൽ ഓസ്വാൾ എസ്&പി ബിഎസ്ഇ എൻഹാൻസ്ഡ് വാല്യൂ ഇടിഎഫ്, ഇൻഡെക്സ് ഫണ്ട് എന്നിവ റൂൾ അധിഷ്ഠിത പാരാമീറ്ററുകൾ അടിസ്ഥാനമാക്കിയുള്ള മൂല്യനിർണ്ണയത്തിൽ ഏറ്റവും ആകർഷകമായ ’30 വാല്യൂ’ സ്റ്റോക്കുകൾ ഉൾപ്പെടുത്താൻ ലക്ഷ്യമിടുന്ന സിംഗിൾ ഫാക്ടർ അധിഷ്ഠിത നിക്ഷേപ തന്ത്രങ്ങളാണ്. ഈ സിംഗിൾ ഫാക്ടർ അധിഷ്ഠിത ഫണ്ടുകൾ നിക്ഷേപകർക്ക് അവരുടെ പോർട്ട്ഫോളിയോ വൈവിധ്യവത്കരിക്കാനും, മൂല്യ ഘടകത്തിലേക്ക് പ്രവേശനം നേടാനും അനുയോജ്യമാണെന്ന് മോത്തിലാൽ ഓസ്വാൾ അസറ്റ് മാനേജ്മെന്റ് കമ്പനി പറഞ്ഞു.
