Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

1 ലക്ഷം രൂപ നിക്ഷേപം 4 കോടി രൂപയാക്കിയ മനീഷ് ഗോയല്‍ പോര്‍ട്ട്‌ഫോളിയോ ഓഹരി

ന്യൂഡല്‍ഹി: അടിസ്ഥാന വിശകലനത്തില്‍ വിശ്വസിക്കുന്ന, മൂല്യ നിക്ഷേപകന്‍ മനീഷ് ഗോയല്‍ ഏഴ് വര്‍ഷം മുന്‍പ് വാങ്ങാന്‍ നിര്‍ദ്ദേശിച്ച ഓഹരിയാണ് സ്വിസ് ഗ്ലോസ്‌കോട്ടിന്റേത്. അന്ന് 38 രൂപയായിരുന്നു സ്റ്റോക്കിന്റെ വില. ഗോയലിന്റെ പ്രവചനം യാഥാര്‍ത്ഥ്യമാക്കി ഓഹരി 200 മടങ്ങ് വളര്‍ച്ച നേടി.

പത്ത് വര്‍ഷത്തെ കണക്കെടുക്കുകയാണെങ്കില്‍ ഓഹരി 400 മടങ്ങ് നേട്ടമുണ്ടാക്കിയതായി കാണാം. ഈ കാലയളവില്‍ 1:5 അനുപാതത്തില്‍ വിഭജനത്തിനും ഓഹരി വിധേയമായി.

സ്വിസ് ഗ്ലാസ്‌കോട്ടിന്റെ ഓഹരി വില ചരിത്രം
നിലവില്‍ എച്ച്ഇഎല്‍ ഗ്ലാസ്‌കോട്ട് എന്നറിയപ്പെടുന്ന സ്വിസ് ഗ്ലാസ്‌കോട്ട് 10 വര്‍ഷം മുന്‍പ് 8.25 രൂപയിലാണ് ട്രേഡ് ചെയ്യപ്പെട്ടിരുന്നത്. നിലവിലെ വില 666 രൂപ. ഒക്ടോബര്‍ 2022 ല്‍ ഓഹരി, വിഭജനത്തിന് വിധേയമായി.

നിക്ഷേപത്തിന്റെ വളര്‍ച്ച
10 വര്‍ഷം മുന്‍പ് 1 ലക്ഷം രൂപ നിക്ഷേപിച്ച വ്യക്തിയ്ക്ക് ലഭ്യമാവുക 12,121 എണ്ണം ഓഹരികളാണ്. 1:5 വിഭജനത്തോടെ കൈവശം 60,605 സ്‌റ്റോക്കുകള്‍ വന്നുചേരും. ഇന്നത്തെ വിലയായ 666 രൂപ വച്ച് നോക്കുമ്പോള്‍ 1 ലക്ഷം നിക്ഷേപം 4 കോടി രൂപയായാണ് മാറുക (666×60,605).

X
Top