ഇന്ത്യയുടെ വളര്‍ച്ചാ അനുമാനം നിലനിര്‍ത്തി എസ്ആന്റ്പി റേറ്റിംഗ്‌സ്ജൂണ്‍ പാദ ബാങ്ക്‌ വായ്പാ വളര്‍ച്ച 14 ശതമാനമായി ഉയര്‍ന്നുവീണ്ടും റെക്കോര്‍ഡ് താഴ്ച, ഡോളറിനെതിരെ 81.55 ല്‍ രൂപഉത്സവ സീസണിലെ വൈദ്യുതി ഉത്പാദനം: കല്‍ക്കരി ശേഖരം മതിയായ തോതിലെന്ന് സര്‍ക്കാര്‍വിദേശനാണ്യ കരുതൽ ശേഖരം രണ്ട് വർഷത്തെ ഏറ്റവും താഴ്ന്ന നിലയിൽ

5.40 മെഗാവാട്ട് ഹൈബ്രിഡ് പവർ പ്രോജക്ട് സ്ഥാപിക്കാൻ കെപിഐ ഗ്രീൻ

മുംബൈ: 5.40 മെഗാവാട്ടിന്റെ പവർ പ്രോജക്ട് സ്ഥാപിക്കാൻ പുതിയ ഓർഡർ ലഭിച്ചതായി പ്രഖ്യാപിച്ച് കെപിഐ ഗ്രീൻ എനർജി. സി‌പി‌പി വിഭാഗത്തിൽപ്പെടുന്ന കാറ്റ്-സോളാർ ഹൈബ്രിഡ് പവർ പ്രോജക്റ്റിന് കീഴിലാണ് ഈ പദ്ധതി സ്ഥാപിക്കുന്നത്. ഓർഡർ പ്രഖ്യാപിച്ചതിന് ശേഷം കമ്പനിയുടെ ഓഹരി 3.89 ശതമാനം ഉയർന്ന് 891 രൂപയിലാണ് വ്യാപാരം അവസാനിപ്പിച്ചത്.

സൂറത്ത് ആസ്ഥാനമായുള്ള ഗ്രീൻലാബിൽ നിന്ന് 5.40 മെഗാവാട്ട് കാറ്റ്-സോളാർ ഹൈബ്രിഡ് പവർ പ്രോജക്റ്റ് നടപ്പിലാക്കുന്നതിനുള്ള പുതിയ ഓർഡർ ലഭിച്ചതായി കമ്പനി റെഗുലേറ്ററി ഫയലിംഗിൽ പറഞ്ഞു. ഇന്ത്യയിൽ ‘സോളാരിസം’ എന്ന ബ്രാൻഡ് നാമത്തിൽ സൗരോർജ്ജം ഉത്പാദിപ്പിക്കുകയും വിൽക്കുകയും ചെയ്യുന്ന കമ്പനിയാണ് കെപിഐ ഗ്രീൻ എനർജി.

കമ്പനി ഒരു സ്വതന്ത്ര പവർ പ്രൊഡ്യൂസർ എന്ന നിലയിലും ക്യാപ്‌റ്റീവ് പവർ പ്രൊഡ്യൂസർ എന്ന നിലയിലും സൗരോർജ്ജ പ്ലാന്റുകൾ നിർമ്മിക്കുകയും പ്രവർത്തിപ്പിക്കുകയും പരിപാലിക്കുകയും ചെയ്യുന്നു. കഴിഞ്ഞ പാദത്തിൽ കമ്പനിയുടെ ഏകീകൃത അറ്റാദായം 22.23 കോടി രൂപയായി ഉയർന്നിരുന്നു.

X
Top