അടുത്ത ഏതാനും വർഷങ്ങളിൽ 150 കോടിയിലധികം നിക്ഷേപത്തോടെ ഡ്രോൺ ബിസിനസ്സ് വിപുലീകരിക്കുന്നതിനുള്ള പദ്ധതികൾ തുടക്കമിട്ട് കോത്താരി ഗ്രൂപ്പിന്റെ ഭാഗമായ ചെന്നൈ ആസ്ഥാനമായുള്ള കോത്താരി ഇൻഡസ്ട്രിയൽ കോർപ്പറേഷൻ ലിമിറ്റഡ് (കെഐസിഎൽ). നാനോ-യൂറിയ തളിക്കാൻ രൂപകൽപ്പന ചെയ്ത ഡ്രോണുകളുടെ ഒരു കൂട്ടം അവതരിപ്പിച്ചതോടെയാണ് കമ്പനി കാർഷിക ഡ്രോണുകളുടെ വിഭാഗത്തിലേക്ക് കടക്കുന്നത്.
ഡ്രോൺ നിർമ്മാണ പദ്ധതിയുടെ സൂക്ഷ്മമായ വിശദാംശങ്ങൾ ഇപ്പോഴും തയ്യാറാക്കിക്കൊണ്ടിരിക്കുകയാണ്, അടുത്ത വർഷത്തോടെ ഉത്പാദനം പൂർത്തിയായേക്കുമെന്ന് കമ്പനിയുടെ പ്രസ്താവനയിൽ പറയുന്നു.
ഡ്രോണുകൾ രൂപകല്പന ചെയ്യുകയും വികസിപ്പിക്കുകയും നിർമ്മിക്കുകയും ചെയ്ത് പുറത്തിറക്കാനാണ് കമ്പനി പദ്ധതിയിടുന്നത്. ഏതാനും മാസങ്ങൾക്കുമുമ്പ് ചെന്നൈ സിറ്റി പോലീസിനായി കമ്പനി കോത്താരി ഡ്രോൺ സ്റ്റേഷൻ സ്ഥാപിച്ചു.
കുറ്റകൃത്യങ്ങൾ തടയൽ, സെർച്ച് ആൻഡ് റെസ്ക്യൂ, ട്രാഫിക് മാനേജ്മെന്റ്, ഡിസാസ്റ്റർ റെസ്പോൺസ് തുടങ്ങി വിവിധ ആപ്ലിക്കേഷനുകൾക്കായി ഡ്രോണുകൾ ഉപയോഗിക്കുന്നതിൽ ഈ അത്യാധുനിക ഡ്രോൺ സ്റ്റേഷൻ അവരുടെ വൈദഗ്ധ്യം പ്രദർശിപ്പിക്കുന്നു, ”കെഐസിഎൽ മാനേജിംഗ് ഡയറക്ടർ ജിന്ന റഫീഖ് അഹമ്മദ് പറഞ്ഞു.
KICL ഡ്രോൺ മോഡലിന് ടൈപ്പ് സർട്ടിഫിക്കറ്റ് നേടാനുള്ള പ്രക്രിയയിലാണ്. തമിഴ്നാട്ടിലെ ഗ്രാമപ്രദേശങ്ങളിൽ ഡ്രോൺ വികസിപ്പിക്കുന്നതിനുള്ള റിമോട്ട് പൈലറ്റ് ട്രെയിനിംഗ് ഓർഗനൈസേഷന്റെ (ആർപിടിഒ) അംഗീകാരം നേടാനുള്ള പരിശ്രമത്തിലാണ് കെഐസിഎൽ.
ഖനനം, അർബൻ മാപ്പിംഗ്, തുറമുഖങ്ങൾ, ജലപാതകൾ തുടങ്ങി മറ്റ് മേഖലകളിലേക്കും ഡ്രോൺ സേവനങ്ങൾ വ്യാപിപ്പിക്കാൻ കെഐസിഎല്ലിന് പദ്ധതിയുണ്ട്.
ഡ്രോണുകളുടെ രജിസ്ട്രേഷന്റെ കാര്യത്തിൽ ഡൽഹി, ഹരിയാന, മഹാരാഷ്ട്ര, കർണാടക എന്നിവയ്ക്ക് ശേഷം രാജ്യത്ത് അഞ്ചാം സ്ഥാനത്താണ് തമിഴ്നാട്. തമിഴ്നാട്ടിൽ 2021-ൽ 10 ഡ്രോണുകൾ മാത്രമേ രജിസ്റ്റർ ചെയ്തിട്ടുള്ളൂ.
കേന്ദ്രത്തിന്റെ ഡ്രോൺ നയത്തിന്റെ ഫലമായി 2022-ൽ ഈ എണ്ണം 328 ആയി ഉയർന്നു. കഴിഞ്ഞ വർഷം ഡിസംബർ വരെ രാജ്യത്ത് 5,300 ഡ്രോണുകൾ രജിസ്റ്റർ ചെയ്തിട്ടുണ്ട്.
