മുംബൈ: ഇൻഡിവിയർ ഇങ്ക്, അക്യുസ്റ്റീവ് തെറാപ്പ്യുട്ടിക്സ് എന്നിവയുമായി ഒത്തുതീർപ്പ് കരാറിൽ ഏർപ്പെട്ടതായി ഹോംഗ്രൗൺ ഫാർമ പ്രമുഖരായ ഡോ. റെഡ്ഡീസ് ലബോറട്ടറീസ് ലിമിറ്റഡ് അറിയിച്ചു. ഈ ഒത്തുതീർപ്പ് ഉടമ്പടിയുടെ ഫലമായി 2024 മാർച്ച് 31-നകം 72 ദശലക്ഷം ഡോളറിന്റെ പേയ്മെന്റുകൾ കമ്പനിക്ക് ലഭിക്കും. കമ്പനിയുടെ ജനറിക് ബ്യൂപ്രെനോർഫിൻ, നലോക്സോൺ സബ്ലിംഗ്വൽ ഫിലിം 2 mg/0.5 mg, 4 mg/1 mg, 8 mg/2 mg, 12 mg/3 mg ഡോസേജുകൾ എന്നിവയുമായി ബന്ധപ്പെട്ട എല്ലാ ക്ലെയിമുകളും പ്രസ്തുത കരാറിലൂടെ പരിഹരിക്കപ്പെടുന്നതായി ഡോ.റെഡ്ഡീസ് ലബോറട്ടറീസ് ഒരു റെഗുലേറ്ററി ഫയലിംഗിൽ പറഞ്ഞു.
കൂടാതെ, ഇൻഡിവിയറിന്റെയും അക്വെസ്റ്റീവിന്റെയും പേറ്റന്റ് ലംഘന ആരോപണങ്ങളും കമ്പനിയുടെ ആന്റിട്രസ്റ്റ് എതിർവാദങ്ങളും ഈ ഒത്തുതീർപ്പ് ഉടമ്പടിയിൽ ഉൾപ്പെടുന്നതായും കമ്പനി അറിയിച്ചു. വെള്ളിയാഴ്ച ബിഎസ്ഇയിൽ കമ്പനിയുടെ ഓഹരികൾ 0.29 ശതമാനം ഉയർന്ന് 4,308.75 രൂപയിലെത്തി.
