Capturing Business 360°

രാജ്യത്തെ ആദ്യത്തെ സംയോജിത ഇന്ധന കേന്ദ്രം തിരുവനന്തപുരത്ത്; സിഎന്‍ജി, എല്‍എന്‍ജി തുടങ്ങിയ ഇന്ധനങ്ങളുടെ വിതരണത്തിനുള്ള കേന്ദ്രം ആനയറയില്‍ ഒരുക്കുന്നു

ന്യൂഏജ് ന്യൂസ്

രാജ്യത്തെ ആദ്യത്തെ സംയോജിത ഇന്ധന കേന്ദ്രം തിരുവനന്തപുരത്ത് സ്ഥാപിക്കാന്‍ തീരുമാനം ആയി .ഇതിനായി തിരുവനന്തപുരം ആനയറയില്‍ സര്‍ക്കാര്‍ വിട്ടു നല്‍കിയ ഭൂമിയിലാണ് ഇന്ത്യന്‍ ഓയില്‍ കോര്‍പ്പറേഷന്‍ സംയോജിത ഇന്ധന കേന്ദ്രം സ്ഥാപിക്കാന്‍ തയ്യാറെടുക്കുന്നത്. സിഎന്‍ജി, എല്‍എന്‍ജി തുടങ്ങിയ ഇന്ധനങ്ങളുടെ വിതരണത്തിനുള്ള കേന്ദ്രമാണ് ആനയറയില്‍ സ്ഥാപിക്കുന്നത്. സംസ്ഥാനസര്‍ക്കാര്‍ ഐഒസിക്ക് ഇതിനായി 1.78 ഏക്കര്‍ സ്ഥലം ആണ് വിട്ടു നല്‍കിയത്.

ആനയറയില്‍ എല്‍എന്‍ജി സംഭരണകേന്ദ്രം, ഫില്ലിംഗ് യൂനിറ്റ്, എല്‍എന്‍സിജി ഉത്പാദന-സംഭരണ-വിതരണകേന്ദ്രം, പെട്രോള്‍-ഡീസല്‍ വിതരണം എന്നിവയ്ക്ക് വേണ്ടിയുള്ള കേന്ദ്രമാണ് ഉണ്ടാവുക. കെഎസ്‌ആര്‍ടിസിക്കും ഈ കേന്ദ്രത്തില്‍ നിന്നും ഇന്ധനം ലഭ്യമാക്കാന്‍ തീരുമാനം ആയി.

സിഎന്‍ജി സ്റ്റേഷനുകള്‍ തിരുവനന്തപുരം നഗരത്തില്‍ അഞ്ച് പെട്രോള്‍ പമ്ബുകളില്‍ ആണ് സ്ഥാപികുന്നത് സിഎന്‍ജി ലഭ്യത നഗരത്തിന്റെ എല്ലാ ഭാഗങ്ങളിലും ഉറപ്പു വരുത്തുന്ന രീതിയിലാകും ഔട്ട്ലെറ്റുകള്‍ സ്ഥാപിക്കുന്നത് ഇന്ധനചെലവ് കുറക്കാനും. അന്തരീക്ഷ മലിനീകരണം കുറക്കാനും ലക്ഷ്യമിട്ടുള്ള പദ്ധതികള്‍ക്ക് മുന്‍തൂക്കം നല്‍കുന്നതിന്റെ ഭാഗമായാണ് ഇങ്ങനെ ഒരു പദ്ധതി ഉടലെടുത്തിരിക്കുന്നത്.