Capturing Business 360°

ഗെയിമിംഗ് സ്മാര്‍ട്ട്‌ഫോണുമായി ന്യൂബ ഇന്ത്യൻ വിപണിയിൽ; 29,999 രൂപയ്ക്ക് റെഡ് മാജിക്ക് അവതരിപ്പിച്ചു

ന്യൂഏജ് ന്യൂസ്

ന്യൂബ റെഡ് മാജിക്കിനെ ഇന്ത്യന്‍ വിപണിയില്‍ അവതരിപ്പിച്ചു. ചൈനീസ് സ്മാര്‍ട്ട്‌ഫോണ്‍ നിര്‍മാതാക്കളായ ന്യൂബയുടേതാണ് പുതിയ ഗെയിമിംഗ് സ്മാര്‍ട്ട്‌ഫോണ്‍. ഇന്ത്യന്‍ വിപണിയില്‍ 29,999 രൂപയാണ് ന്യൂബയുടെ വിലയെന്നാണ് റിപ്പോര്‍ട്ട്.

ഹാര്‍ഡ്-വെയര്‍ കരുത്തിലും ഡിസൈന്‍ മികവിലും ഒരുപോലെ ക്വാളിറ്റിയുള്ളതാണ് ന്യൂബ റെഡ് മാജിക്ക് സ്മാര്‍ട്ട്‌ഫോണ്‍. ഡിസംബര്‍ 20 മുതല്‍ ഫോണിന്റെ വില്‍പ്പന ആരംഭിച്ചിട്ടുണ്ട്. പ്രമുഖ ഓണ്‍ലൈന്‍ ഷോപ്പിംഗ് പോര്‍ട്ടലായ ആമസോണിലൂടെയാകും ഫോണിന്റെ വില്‍പ്പന.

8 ജി.ബി റാമും കൂട്ടുണ്ട്. 128 ജി.ബിയാണ് ഇന്റേണല്‍ മെമ്മറി. ഹാര്‍ഡ്-വെയര്‍ കരുത്തിനായി ക്വാല്‍കോം സ്‌നാപ്ഡ്രാഗണ്‍ 835 ചിപ്പ്‌സെറ്റാണ് ഉപയോഗിച്ചിരിക്കുന്നത്. 3,800 മില്ലി ആംപയറിന്റേതാണ് ബാറ്ററി കരുത്ത്. ഫോണില്‍ 5.99 ഇഞ്ച് ഫുള്‍ എച്ച്‌.ഡി ഡിസ്‌പ്ലേയാണ് ഉള്ളത്. 24 മെഗാപിക്‌സലിന്റെ ക്യാമറയാണ് പിന്‍ ഭാഗത്ത് ഉപയോഗിച്ചിരിക്കുന്നത്. മുന്‍ ക്യാമറ 8 മെഗാപിക്‌സലാണ്.