Capturing Business 360°

ഇന്ത്യൻ വിപണി പിടിക്കാന്‍ അസൂസ്; ഗെയിമിങ് ലാപ്ടോപ്പുകൾ അവതരിപ്പിക്കും, ലക്ഷ്യമിടുന്നത് നാല് ലക്ഷം ലാപ്ടോപ്പുകള്‍ ഇന്ത്യയിൽ വിറ്റഴിക്കുവാൻ

ന്യൂഏജ് ന്യൂസ്

ദില്ലി: പിസി, ഗെയിമിങ് ലാപ്ടോപ്പ് ഭ്രമം കൂടിവരുന്ന ഇന്ത്യന്‍ വിപണിയില്‍ സജീവമാകാന്‍ അസൂസ് തയ്യാറെടുക്കുന്നു. ഇന്ത്യന്‍ വിപണിയില്‍ 10 ശതമാനം വിഹിതം കൈയടക്കുകയാണ് അസൂസിന്‍റെ ലക്ഷ്യം.

ഈ ലക്ഷ്യം നേടിയെടുക്കുന്നതിനായി കനവും ഭാരവും കുറഞ്ഞ ലാപ്ടോപ്പ് വിഭാഗത്തില്‍ ഇന്നൊവേറ്റീവ് ഉല്‍പ്പന്നങ്ങള്‍ അവതരിപ്പിക്കാനുളള ശ്രമത്തിലാണ് കമ്ബനി. അടുത്ത വര്‍ഷം നാല് ലക്ഷം ലാപ്ടോപ്പുകള്‍ വിറ്റഴിച്ചുകൊണ്ട് ഇന്ത്യന്‍ വിപണിയില്‍ 10 ശതമാനം പങ്കാളിത്ത്വമാണ് കമ്ബനി ലക്ഷ്യമിടുന്നത്.

നിലവില്‍ 2.6 ലക്ഷം യൂണിറ്റ് ലാപ്ടോപ്പാണ് കമ്ബനി വിറ്റഴിക്കുന്നത്. ഏഴ് മുതല്‍ എട്ട് ശതമാനം വരെയാണ് അസൂസിന് ഇന്ത്യന്‍ വിപണിയിലുളള വിഹിതം.