Capturing Business 360°

ഉ​പ​ഭോ​ഗ​ത്തി​ലു​ണ്ടാ​യ കു​റ​വും ഉ​ത്പാ​ദ​ന​വ​ര്‍​ധ​നവും നേട്ടമായി; സം​സ്ഥാ​ന​ത്ത് ഇ​റ​ച്ചി​ക്കോ​ഴി വി​ല കു​റ​യുന്നു, വിലയിൽ 60 രൂപ വരെ കുറവ്

ന്യൂഏജ് ന്യൂസ്

തൊ​ടു​പു​ഴ: സം​സ്ഥാ​ന​ത്ത് ഇ​റ​ച്ചി​ക്കോ​ഴി വി​ല കു​റ​ഞ്ഞു. അ​മി​ത വി​ല​ക്ക​യ​റ്റം മൂ​ലം ഉ​പ​ഭോ​ഗ​ത്തി​ലു​ണ്ടാ​യ കു​റ​വും ഉ​ത്പാ​ദ​ന​വ​ര്‍​ധ​ന​യു​മാ​ണു വി​ല കു​റ​യാ​ന്‍ കാ​ര​ണം. ര​ണ്ടാ​ഴ്ച​മു​ന്പ് കി​ലോ​യ്ക്ക് 150 -160 രൂ​പ തോ​തി​ലേ​ക്ക് ഉ​യ​ര്‍​ന്ന ചി​ല്ല​റ വി​ല​യാ​ണു ചു​രു​ങ്ങി​യ ദി​വ​സ​ങ്ങ​ള്‍​ക്കു​ള്ളി​ല്‍ 95-100 എ​ന്ന നി​ര​ക്കി​ലേ​ക്കു താ​ഴ്ന്ന​ത്. ഇ​ടു​ക്കി, കോ​ട്ട​യം, എ​റ​ണാ​കു​ളം തു​ട​ങ്ങി​യ ജി​ല്ല​ക​ളി​ല്‍ ഇ​ന്ന​ലെ 98-100 രൂ​പ​യ്ക്കാ​ണ് വി​ല്പ​ന ന​ട​ന്ന​ത്. കി​ലോ​ഗ്രാ​മി​ന് 75 രൂ​പ​യാ​യി​രു​ന്നു ഇ​ന്ന​ല​ത്തെ ഫാം ​വി​ല. ദീ​പാ​വ​ലി ആ​ഘോ​ഷ​മാ​ണ് വി​ല ഇ​ത്ര​യും പി​ടി​ച്ചു​നി​ര്‍​ത്തി​യ​ത്. വ​രും ദി​വ​സ​ങ്ങ​ളി​ല്‍ വീ​ണ്ടും വി​ല കു​റ​യാ​നാ​ണു സാ​ധ്യ​ത.

ഒ​രാ​ഴ്ച​യാ​യി 100-105 എ​ന്ന നി​ര​ക്കി​ലാ​യി​രു​ന്നു ചി​ല്ല​റ വി​ല്പ​ന. ദി​വ​സ​ങ്ങ​ള്‍​ക്കു മു​ന്പ് വി​ല കു​ത്ത​നെ കൂ​ടി​യ​പ്പോ​ള്‍ ഉ​പ​ഭോ​ഗ​ത്തി​ല്‍ 30-40 ശ​ത​മാ​നം വ​രെ കു​റ​വു​ വ​ന്നു. കേ​റ്റ​റിം​ഗ് സ്ഥാ​പ​ന​ങ്ങ​ള്‍ ഉ​ള്‍​പ്പെ​ടെ ന​ല്​കി​യി​രു​ന്ന ഓ​ര്‍​ഡ​ര്‍ റ​ദ്ദാ​ക്കി മ​റ്റ് മാം​സ​ങ്ങ​ളി​ലേ​ക്കു തി​രി​ഞ്ഞ​തും തി​രി​ച്ച​ടി​യാ​യി. പ്ര​ള​യ​ശേ​ഷം ഇ​റ​ച്ചി​ക്കോ​ഴി വി​ല​യി​ല്‍ ഗ​ണ്യ​മാ​യ കു​റ​വു​ണ്ടാ​യി​രു​ന്നു.

മൂ​ന്നു വ​ര്‍​ഷം മു​ന്പു​വ​രെ ഇ​റ​ച്ചി​ക്കോ​ഴി വി​ല്പ​ന​യി​ല്‍ ത​മി​ഴ്നാ​ടി​ന്‍റെ പ്ര​ധാ​ന വി​പ​ണി കേ​ര​ള​മാ​യി​രു​ന്നു. എ​ന്നാ​ല്‍, ലാ​ഭ​ക​ര​മാ​യ കൃ​ഷി​യെ​ന്ന നി​ല​യ്ക്കു സം​സ്ഥാ​ന​ത്തു കോ​ഴി​കൃ​ഷി വ്യാ​പി​ച്ച​തോ​ടെ ത​മി​ഴ്നാ​ട്ടി​ല്‍​നി​ന്നു​ള്ള കോ​ഴി​വ​ര​വി​നെ ബാ​ധി​ച്ചി​രു​ന്നു. സം​സ്ഥാ​ന​ത്ത് 15,000ല്‍​പ​രം കോ​ഴി​ക്ക​ര്‍​ഷ​ക​രു​ണ്ടെ​ന്നാ​ണ് ക​ണ​ക്ക്.

എ​ന്നാ​ല്‍, ക​ഴി​ഞ്ഞ പ്ര​ള​യ​ത്തി​ല്‍ നി​ര​വ​ധി ഫാ​മു​ക​ള്‍ ഒ​ലി​ച്ചു​പോ​യ​തു വ​ഴി ല​ക്ഷ​ക്ക​ണ​ക്കി​നു കോ​ഴി​ക്കു​ഞ്ഞു​ങ്ങ​ള്‍ ച​ത്തു. ഇ​തു ക​ര്‍​ഷ​ക​ര്‍​ക്കു സാ​ന്പ​ത്തി​ക ന​ഷ്ട​മു​ണ്ടാ​ക്കി. കോ​ഴി​ക​ള്‍​ക്ക് ക്ഷാ​മ​വും നേ​രി​ട്ടു. ഇ​തോ​ടെയാണ് ത​മി​ഴ്നാ​ട്ടില്‍നിന്നുള്ള കോ​ഴി​വ​ര​വ് വീ​ണ്ടും കൂ​ടിയത്. ഒപ്പം വിലയും ഉയര്‍ന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.