Capturing Business 360°

രാജ്യത്തിന്റെ വളർച്ചയുടെ സൂചികയായി റിസർവ് ബാങ്ക്; ലാഭ വിഹിതമായി സര്‍ക്കാരിലേക്ക് കൈമാറിയത് 50,000 കോടി രൂപ

ന്യൂഏജ് ന്യൂസ്

മുംബൈ: ഈ വര്‍ഷത്തെ ലാഭ വിഹിതമായി റിസര്‍വ് ബാങ്ക് സര്‍ക്കാരിന് 50,000 കോടി രൂപ നല്‍കും. മുന്‍ വര്‍ഷത്തെക്കാള്‍ വലിയ വര്‍ദ്ധനവാണ് റിസര്‍വ് ബാങ്കിന്‍റെ ലാഭ വിഹിതത്തില്‍ ഈ വര്‍ഷമുണ്ടായത്.

കഴിഞ്ഞ വര്‍ഷം 30,659 കോടി രൂപ മാത്രമാണ് റിസര്‍വ് ബാങ്കിന് കേന്ദ്ര സര്‍ക്കാരിലേക്ക് ലാഭവിഹിതമായി നല്‍കാനായത്. രാജ്യത്ത് നോട്ട് റദ്ദാക്കലിനെത്തുടര്‍ന്ന് പുതിയ നോട്ടുകള്‍ അച്ചടിക്കാന്‍ റിസര്‍വ് ബാങ്കിന് വന്‍ തുക അന്ന് ചെലവാക്കേണ്ടി വന്നതാണ് ലാഭവിഹിതം കുറയാനിടയാക്കിയതിന് കാരണം.

ജൂണ്‍ 30നാണ് റിസര്‍വ് ബാങ്കിന്‍റെ ഒരു സാമ്ബത്തിക വര്‍ഷം അവസാനിക്കുന്നത്. ഈ വര്‍ഷം ജൂണ്‍ 30 ന് അവസാനിച്ച സാമ്ബത്തിക വര്‍ഷത്തെ ലാഭവിഹിതമായ 50,000 കോടി രൂപയാണ് റിസര്‍വ് ബാങ്ക് സര്‍ക്കാരിലേക്ക് നല്‍കുന്നത്.