Capturing Business 360°

യു.എ.ഇ പൊതുമാപ്പു കാലയളവിൽ മലയാളികൾക്ക് സഹായഹസ്തവുമായി പ്രമുഖ വ്യവസായി രവി പിളള; നാട്ടിലേക്കു മടങ്ങുന്ന മലയാളികള്‍ക്ക് സൗജന്യ വണ്‍വേ ടിക്കറ്റ്

ന്യൂഏജ് ന്യൂസ്

മനാമ: യു.എ.ഇ.യിലെ മലയാളികള്‍ക്ക് സഹായഹസ്തവുമായി പ്രമുഖ വ്യവസായിയും ആര്‍.പി. ഗ്രൂപ്പ് ഓഫ് കമ്ബനീസിന്റെ ചെയര്‍മാനുമായ ഡോ. രവി പിള്ള രംഗത്ത്. ഓഗസ്റ്റ് ഒന്നു മുതല്‍ പൊതുമാപ്പു പ്രഖ്യാപിച്ചിരിക്കുന്ന പൊതുമാപ്പില്‍ നാട്ടിലേക്കു മടങ്ങുന്ന മലയാളികള്‍ക്ക് കേരളത്തിലെ വിമാനത്താവളങ്ങളിലേക്കു യാത്ര ചെയ്യാനുള്ള സൗജന്യ വണ്‍വേ ടിക്കറ്റ് നല്‍കാനാണ് അദ്ദേഹം സന്നദ്ധനായിരിക്കുന്നത്.

ടിക്കറ്റിന് അര്‍ഹതയുള്ളവര്‍ ദുബായിയില്‍ തങ്ങളുടെ പ്രതിനിധി വിനോദിനെ 0552246100, 0504558704 എന്നീ നമ്ബറുകളില്‍ ബന്ധപ്പെടണം. ആര്‍.പി. ഗ്രൂപ്പ് ഓഫ് കമ്ബനീസ് നടത്തിക്കൊണ്ടിരിക്കുന്ന ജീവകാരുണ്യ പ്രവര്‍ത്തനങ്ങളുടെ ഭാഗമായാണ് ഈ സഹായം. ഇതു സംബന്ധിച്ചുള്ള സമ്മതപത്രം നോര്‍ക്കാ റൂട്‌സ് ചീഫ് എക്‌സിക്യൂട്ടീവ് ഓഫീസര്‍ കെ. ഹരികൃഷ്ണന്‍ നമ്ബൂതിരിക്ക് കഴിഞ്ഞദിവസം കൈമാറി.

അര്‍ഹതപ്പെട്ടവര്‍ക്ക് സഹായം നല്‍കിയും മറ്റുള്ള രീതിയിലും ജീവകാരുണ്യ പ്രവര്‍ത്തനം നടത്തുന്ന തന്നെക്കുറിച്ച്‌ അപവാദപ്രചാരണങ്ങള്‍ പ്രചരിക്കുന്നതില്‍ അദ്ഭുതം തോന്നുന്നെന്ന് ഡോ. രവി പിള്ള പറഞ്ഞു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.