Capturing Business 360°

ഹോണര്‍ 10 ഇന്ത്യന്‍ വിപണിയില്‍

ന്യൂഏജ് ന്യൂസ്

ഏറ്റവും പുതിയ സ്മാര്‍ട്ട് ഫോണായ ഹോണര്‍ 10 ഇന്ത്യന്‍ വിപണിയില്‍. നിലവില്‍ ഓണ്‍ലൈന്‍ വിപണന കേന്ദ്രമായ ഫ്ലിപ്കാർട്ടിലൂടെ മാത്രമേ ഫോണ്‍ ലഭിക്കു. മുന്നിലും പിന്നിലും ഇരട്ട ക്യാമറയും 19:9 ഫുള്‍വ്യു ഡിസ്പ്ലേയുമുള്ള ഫോണില്‍ ഐ.ഫോണിന് സമാനമായ നൊച്ച്‌ പരീക്ഷിച്ചിട്ടുണ്ട്.

6 ജിബി മെമ്മറിയാണ് ഇതിന്റെ ഏറ്റവും വലിയ സവിശേഷത. ഹൈ സിലിക്കണ്‍ കിരിന്‍ 970 പ്രൊസസറാണ് ഫോണിന് കരുത്ത് പകരുന്നത്. ആന്‍ഡ്രോയിഡ് 8.1 ഓറിയോയുടെ പരിഷ്‌കരിച്ച പതിപ്പാണ് ഹോണര്‍ ഉപയോഗിച്ചിരിക്കുന്നത്. ഇന്ത്യന്‍ വിപണിയില്‍ 128 ജി.ബി സ്റ്റോറേജ് പതിപ്പിന് 32,999 രൂപയാണ് വില.