Capturing Business 360°

ബാങ്ക് വായ്പാ തട്ടിപ്പ്; ആര്‍ ബി ഐ ഗവര്‍ണറെ പാര്‍ലമെന്ററി സമിതി വിളിച്ചു വരുത്തും

ന്യൂഏജ് ന്യൂസ്‌

ന്യൂഡല്‍ഹി : ബാങ്ക് വായ്പാ തട്ടിപ്പ് കേസുകളുമായി ബന്ധപ്പെട്ട് ആര്‍ ബി ഐ ഗവര്‍ണര്‍ ഊര്‍ജിത് പട്ടേലിനെ പാര്‍ലമെന്ററി സമിതി വിളിച്ചു വരുത്തും. മെയ് 17 ന് ഹാജരാകാനാണ് ആര്‍ ബി ഐ ഗവര്‍ണറോട് നിര്‍ദേശിച്ചിരിക്കുന്നത്. അടുത്ത കാലത്തായി രാജ്യത്ത് വർധിച്ചുവരുന്ന ബാങ്ക് തട്ടിപ്പുകളുടെ പശ്ചാത്തലത്തിലാണ് സമിതി തീരുമാനം. എന്നാൽ പ്രധാനമായും പി എന്‍ ബി ബാങ്ക് തട്ടിപ്പ് കേസുമായി ബന്ധപ്പെട്ട വിവരങ്ങളാകും ഗവര്‍ണറിൽ നിന്നും ആരായുക എന്നാണ് കരുതുന്നത്. കോൺഗ്രസ് നേതാവ് മല്ലികാര്‍ജുന്‍ ഗാര്‍ഖെ അധ്യക്ഷനായ സമിതിയാണ് ഗവര്‍ണറോട് ഹാജരാകാന്‍ നിര്‍ദേശിച്ചിരിക്കുന്നത്.