Capturing Business 360°

പുതിയ പരിഷ്കരിച്ച പതിപ്പുമായി ഹോണ്ടയുടെ സ്‌കൂട്ടറായ ഡിയോ

ന്യൂഏജ് ന്യൂസ്

ഹോണ്ടയുടെ സ്‌കൂട്ടറായ ഡിയോയുടെ പുതിയ പതിപ്പ് വിപണിയില്‍. പുതിയ ഡീലക്‌സ് വേരിയന്റിലും ഡിയോ ലഭ്യമാണ്. ഡല്‍ഹി എക്‌സ് ഷോറൂം വില 51292 രൂപയാണ്. പുതിയ എല്‍ഇഡി ഹെഡ് ലാന്പ്, പൊസിഷന്‍ ലാന്പ് എന്നിവ ഡിയോയെ ആകര്‍ഷകമാക്കുന്നു. സൗകര്യത്തിനായി 1 ല്‍ 4 ലോക്കോടുകൂടിയ സീറ്റ് ഓപ്പണര്‍ സ്വിച്ച്‌, ഫ്രണ്ട് ഹുക്ക്, ചുരുക്കാവുന്ന റിയര്‍ ഹുക്ക് എന്നിവ ചേര്‍ത്തിട്ടുണ്ട്.
സുരക്ഷക്കായി സ്‌കൂട്ടറില്‍ മെറ്റല്‍ മഫ്‌ളര്‍ പ്രൊട്ടക്ടറും ഉള്‍പ്പെടുത്തിയിട്ടുണ്ട്. ത്രീ സ്‌റ്റെപ്പ് എകോ സ്പീഡ് ഇന്‍ഡിക്കേറ്റര്‍, സര്‍വീസ് ഡ്യൂ ഇന്‍ഡികേറ്റര്‍ സഹിതം പുതിയ ഡിജിറ്റല്‍ മീറ്റര്‍ ആണ് മറ്റൊരു പ്രത്യേകത. സ്വര്‍ണനിറത്തിലുള്ള റിം അടക്കം വ്യത്യസ്ത നിറങ്ങളില്‍ ഡിയോ 2018 ലഭിക്കും.

കൂടുതല്‍ മൈലേജും കരുത്തും പ്രദാനം ചെയ്യുന്ന 110 സിസി എച്ച്‌ഇടി എഞ്ചിനാണ് ഡിയോ 2018ലുള്ളത്. മൊബൈല്‍ ഫോണ്‍ ചാര്‍ജ് ചെയ്യാനുളള മൊബൈല്‍ ചാര്‍ജിംഗ് സോക്കറ്റ് ഉപയോക്താക്കള്‍ക്ക് തിരഞ്ഞെടുക്കാം. ഈക്വലൈസര്‍ സാങ്കേതിക വിദ്യയോടുകൂടിയ കോംപി ബ്രേക്ക് സിസ്റ്റം ഡിയോയിലുണ്ട്. ഒന്പതു നിറങ്ങളില്‍ ഡിയോ 2018 ലഭിക്കും.